滑滑脫脫似豬膏咁滑，牛油蛋撻無咁滑。。。。
宵夜時間 ➡️《鮮奶燉蛋》
食材如下：（一人份量）
雞蛋🥚：一隻 (最好Organic 有機蛋）
牛奶🥛：200 ml
砂糖： 兩茶匙（想甜可以加多小小）
做法：
1. 先準備一個湯碗，點解？為方便打蛋嘅時候可以豪放啲同唔使就住就住驚啲蛋汁四濺，跟住，扑爛隻雞蛋放入碗再加糖一齊撥下撥下。搞到啲糖糖同隻蛋蛋融為一體就為之very good嘞👍！
2. 加奶，最好全脂奶，但我怕變米之蓮人（長肥肉），所以用咗低脂奶，記得要一路加一路攪下攪下啲蛋直至撈勻為止，唔好太用力如果唔係好容易起泡。
3. 將搞好嘅蛋同奶用細筲箕過濾（隔住）漏入去已準備好嘅碗仔，期間蛋白或者未能完全流入，可以用個發蛋器搞一下等佢慢慢滴滴仔咁滴入碗中。
4. 之後一定要用保鮮紙包住個碗先放入熱水隔水蒸13至15分鐘就搞掂。
5. 打開保鮮紙就食得，最好要趁熱食，當然小朋友食唔到咁熱攤凍少少都無妨！😋制成品唔單止滑不留口，仲好有彈性添，想皮膚滑啲？快啲一齊整嚟試吓啦！
後記：
呢個鮮奶燉蛋簡單易整，各位家長可以隨時教小朋友整，一步一步，循序漸進，我覺得一齊入廚不但可以引起小朋友對整嘢食嘅興趣，又可培養家長同小朋友雙方面嘅耐心，同時亦可以增進彼此之間嘅感情！
最新评论 14
:手巧的宝宝～
:謝謝
:很漂亮
:謝謝
:哇！啥時候做給我吃😂
:come come come
:好可爱的碗，哪里买的呀
:大🍑寶
:看起來就很滑順可口，謝謝寶寶分享
:真的很滑的
:👍营养又好吃😋
:是的
:呀～好好吃的样子哦！
:謝謝😊